ककनिश्वर विद्यालयको अतिरिक्त क्रियाकलाप अन्तर्गत विविध प्रतिस्पर्धात्मक कार्यक्रम सम्पन्न

असार ६, सोलुखुम्बु । उदयपुरको ताप्ली गाउँपालिका वडा नम्बर ४ मा अवस्थित ककनिश्वर माध्यमिक विद्यालयमा शुक्रबार विद्यालयको नियमित साप्ताहिक अतिरिक्त क्रियाकलाप अन्तर्गत विभिन्न विधामा सदनस्तरीय प्रतिस्पर्धात्मक कार्यक्रमहरू सम्पन्न भएका छन् । विद्यालयको अतिरिक्त क्रियाकलाप विभागको आयोजना तथा विद्यालयका पूर्वविद्यार्थी एवं पिपलबजार थुम्किका शिक्षक मेघबहादुर परियारको प्रायोजनमा सम्पन्न उक्त कार्यक्रम विद्यार्थीहरूको प्रतिभा उजागर गर्ने उद्देश्यले सञ्चालन गरिएको सहकर्मी ठविन्द्र मगरले जानकारी दिनुभयो । कार्यक्रमका प्रमुख अतिथि विद्यालय व्यवस्थापन समिति सदस्य दलबहादुर ठकुरी तथा विशेष अतिथि एवं कार्यक्रमका प्रायोजक मेघबहादुर परियारले प्रत्येक प्रतिस्पर्धात्मक विधामा उत्कृष्ट स्थान प्राप्त गर्न सफल विद्यार्थीहरूलाई प्रमाणपत्र तथा पुरस्कार वितरण गर्नुभएको थियो ।
शिक्षक मनोज कुमार राउतका अनुसार कार्यक्रम अन्तर्गत तीन तहमा निम्न विधागत प्रतिस्पर्धा सञ्चालन गरिएको थियो ।
कक्षा १–५ स्तरीय गणित दौड प्रतियोगिताः

सुसन लगुन (गोदावरी सदन) – प्रथम

पवित्रा थापा मगर (गोदावरी सदन) – द्वितीय

टेकनारायण श्रेष्ठ (लालीगुराँस सदन) – तृतीय

केशव नारायण श्रेष्ठ (कमल सदन) – सान्त्वना

कक्षा ६–८ स्तरीय एकल गायन प्रतियोगिताः

उर्मिला श्रेष्ठ (गोदावरी सदन) – प्रथम

योजना लगुन (लालीगुराँस सदन) – द्वितीय

प्रिति लगुन (सूर्यमुखी सदन) – तृतीय

क्रिस्टिना श्रेष्ठ (मखमली सदन) – सान्त्वना

माध्यमिक तह स्तरीय निबन्ध लेखन प्रतियोगिताः
लेखराज मगर (सूर्यमुखी सदन) – प्रथम

रणदीप राई (कमल सदन) – द्वितीय

दबिता राई (लालीगुराँस सदन) – तृतीय

दिलिप राई (गोदावरी सदन) – सान्त्वना
कार्यक्रममा विद्यालय प्रशासनले सहभागी सम्पूर्ण विद्यार्थी, शिक्षक तथा अभिभावकप्रति आभार व्यक्त गर्दै आगामी दिनहरूमा अझ सशक्त सहभागिता र सफलताको शुभकामना व्यक्त गरेको छ ।