फाप्लु–खोलाघारी जोड्न बन्यो नमुना सडक, मेयर शेर्पाले गरे उद्घाटन

पर्यटकीय क्षेत्र फाप्लुबाट खोलाघारी जोड्ने सडक ढलानको काम सकिएसँगै उद्घाटन गरिएको छ । सोलुदुधकुण्ड नगरपालिका वडा नम्बर ४ मा नमुना पक्कि सडक बनेसँगै वडाको आयोजनामा खोलाघारीमा सम्पन्न कार्यक्रममा मेयर नाम्गेलजाङ्बु शेर्पाले सडकको उद्घाटन गर्नु भएको हो । शहरि विकास मन्त्रालयको सोलुुदुधकुण्ड नगरपालिकामा एकिकृत शहरी पुर्वाधार विकास कार्यक्रम अन्तर्गत निर्माण सम्पन्न ११ सय मिटर लम्बाईको सडक ढलान गरिए सँगै उक्त क्षेत्रमा गुणस्तरीय सडक सेवा पुगेको छ ।
सडक उद्घाटन गर्दै मेयर शेर्पाले आफ्नो अथक प्रयासमा सघन सहरी मार्फत परियोजना संचालन गरेर फाप्लुबाट खोलाघारी जोड्ने सडक स्तरीय र नमुना बनेको भन्दै यो क्षेत्रको विकासमा ठूलो ईटा थपिएको बताउनु भयो । वहाँले भौतिक पुर्वाधार विकास आफ्नो प्राथमिक्तामा रहेको भन्दै यस क्षेत्रको समृद्धिमा सडक ढलान कार्यले टेवा पुगेको धारणा राख्नु भयो ।
४ नम्बर वडा अध्यक्ष युवास तामाङको सभापतित्वमा भएको कार्यक्रममा नगरपालिकाका उपमेयर गान्धिमाया तामाङ, वडा नम्बर २ का अध्यक्ष ङवाङठिले शेर्पा, ३ नम्बर अध्यक्ष लाक्पा गेलु शेर्पा, वडा नम्बर ६ का अध्यक्ष तथा नगरप्रबक्ता फुर्वाग्याल्जेन शेर्पा, वडा नम्बर ७ का अध्यक्ष सोनाम ग्याल्जेन शेर्पा, वडा नम्बर १० का अध्यक्ष होमबहादुर मगर, कार्यपालिका सदस्य कुलध्वज मगर लगायतले उक्त सडकले विकास निर्माणमा पार्ने सकारात्मक प्रभावको चर्चा गर्नु भएको थियो । वडा अध्यक्ष तामाङले नगरपालिकाको नेतृत्वले अँगालेको समानुपातिक विकासको अवधारणाले गाउँको मुहार फेरिँदै गएको बताउनु भयो ।