नेपाल शिक्षक महासंघ नेचासल्यानको अध्यक्षमा कृष्ण बहादुर बस्नेत चयन

असार १२, सोलुखुम्बु । नेपाल शिक्षक महासंघ नेचासल्यान गाउँपालिका कार्यसमितिको नयाँ नेतृत्व चयन गरिएको छ। बुधबार आयोजित स्थानीय महासंघ कार्यसमिति घोषणा कार्यक्रममा कृष्ण बहादुर बस्नेतलाई शिक्षक संघको तर्फबाट अध्यक्ष पदमा चयन गरिएको हो। कार्यक्रममार्फत बस्नेतको नेतृत्वमा १७ सदस्यीय कार्यसमिति गठन गरिएको छ। नवगठित समितिमा नवराज बास्तोला सह–अध्यक्षको रूपमा चयन हुनुभएको छ भने एकीकृत अखिल शिक्षक संगठनबाट प्रभुराम राई उपाध्यक्ष चयन भएका छन्।

नेपाल राष्ट्रिय शिक्षक संगठनबाट प्रेम प्रसाद कटेल सचिव र एकराज बास्तोला सह–सचिवमा चयन हुनुभएको छ। त्यस्तै, कमला कार्की राउत सह सचीव अर्थ  एकीकृत अखिल शिक्षक संगठन बाट चयन हुनुभएको छ । नयाँ कार्यसमितिको घोषणा तथा सपथ ग्रहण कार्यक्रम नेपाल शिक्षक महासंघ सोलुखुम्बुकी सदस्य तथा प्रतिनिधि सपना शर्माको उपस्थितिमा सम्पन्न भएको थियो।

कार्यक्रममा स्थानीय महासंघका निवर्तमान अध्यक्ष अशोक कुमार शर्मा, महासंघ सोलुखुम्बुका पूर्व अध्यक्ष लालप्रसाद बास्तोला, शिक्षक संघ सोलुका सचिव प्रकाश राई, स्थानीय कार्यसमिति नेचासल्यानका अध्यक्ष बेदनाथ बास्तोला, राष्ट्रिय शिक्षक सङ्गठन नेचासल्यानका अध्यक्ष छविलाल बास्तोला, र एकीकृत अखिल शिक्षक सङ्गठन नेचासल्यानका अध्यक्ष मनु राई लगायतको उपस्थिति रहेको थियो। उक्त कार्यक्रममा सहभागी सबैले नवगठित कार्यसमितिलाई बधाई ज्ञापन गर्दै सफल कार्यकालको शुभकामना व्यक्त गरेका थिए।