खोटाङका स्थानीय तहले सार्वजनिक गरे नयाँ बजेट, दिक्तेलको १ अर्ब नाघ्यो

असार १३, सोलुखुम्बु । आर्थिक वर्ष २०८२र०८३ का लागि खोटाङ जिल्लाका स्थानीय तहहरूले आगामी खर्च र कार्यक्रमका लागि बजेट सार्वजनिक गरेका छन्। जिल्लाको प्रमुख नगरपालिका दिक्तेल रुपाकोट मझुवागढीले १ अर्ब २ करोड ९२ लाख ३४ हजार ३९१ रुपैयाँको बजेट ल्याउँदै खोटाङकै सबैभन्दा ठूलो बजेट प्रस्तुत गरेको छ। दिक्तेलसहित हलेसी तुवाचुङ नगरपालिकाले ८० करोड १८ लाख ८१ हजार ७१९ रुपैयाँ बजेट ल्याएको छ। केपिलासगढी गाउँपालिकाले ५० करोड ७ लाख ५९ हजार ३७३ रुपैयाँको बजेट ल्याएको छ।

अन्य गाउँपालिकाहरूको बजेट यथार्थमा यस्तो छ :

वराहपोखरी गाउँपालिका : ३८ करोड ४० लाख ५६ हजार ७७० रुपैयाँ

साकेला गाउँपालिका : ३९ करोड ३० लाख ३९ हजार ६५९ रुपैयाँ

ऐसेलुखर्क गाउँपालिका : ४९ करोड ७० लाख ९३ हजार ८८ रुपैयाँ

रावाबेसी गाउँपालिका : ३८ करोड ५६ लाख ५६ हजार ८४३ रुपैयाँ

खोटेहाङ गाउँपालिका : ५५ करोड ४८ लाख ९९ हजार ८१९ रुपैयाँ

दिप्रुङ चुईचुम्मा गाउँपालिका :५६ करोड २ लाख ६८ हजार ५८९ रुपैयाँ

जन्तेढुंगा गाउँपालिका : ४४ करोड ३७ लाख ३४ हजार रुपैयाँ

दिक्तेल रुपाकोट मझुवागढी नगरपालिका, हलेसी तुवाचुङ नगरपालिका र केपिलासगढी गाउँपालिकाले असार ९ गते नगररगाउँसभा मार्फत बजेट पारित गरेका हुन्। बाँकी आठ स्थानीय तहले असार १० गते आ-आफ्ना गाउँसभाबाट बजेट सार्वजनिक गरेका हुन्। खोटाङ जिल्लामा दुई नगरपालिका र आठ गाउँपालिका छन्। प्रस्तुत बजेटहरू स्थानीय पूर्वाधार, शिक्षा, स्वास्थ्य, कृषि, सामाजिक सुरक्षा लगायतका क्षेत्रमा केन्द्रित हुने जनाइएको छ।