चिशंखुगढी गाउँपालिकामा जेष्ठ नागरिक, सुत्केरी महिलालाई विभिन्न सामग्री वितरण

आसर १३, सोलुखुम्बु । ओखलढुगांको चिशंखुगढी गाउँपालिकाले सामाजिक सेवा प्रवद्र्धन गर्ने उद्देश्यले विभिन्न सामाग्री वितरण गरेको छ । गाउँपालिकाले ७५ वर्षभन्दा माथिका ११० जना जेष्ठ नागरिकलाई जाडोमा पानी तताउन सहज होस् भनेर पानी तताउने भाडो वितरण गरेको हो ।

साथै, महिला स्वास्थ्य तथा पोषण सुदृढ गर्न सुत्केरी महिला पोषण कार्यक्रम अन्तर्गत २८ जना सुत्केरी महिलालाई पोषिलो कोसेली प्रदान गरिएको गाउँपालिकाले जनाएको छ । यस्तै गाउँपालिकाको कृषि शाखाबाट ३०० पोका सर्वोत्तम पिठो वितरण गरिएको छ । स्वास्थ्य सेवा सुदृढीकरणका लागि गाउँपालिकाले भिडियो एक्सरे मेसिन समेत हस्तान्तरण गरेको जनाएको छ ।

यसले गाउँपालिकाभित्रै स्वास्थ्य परीक्षणको सुविधा पुर्याउने विश्वास गरिएको छ । गाउँपालिकाले समुदायमुखी कार्यक्रमलाई प्राथमिकता दिँदै आगामी दिनमा थप सेवा विस्तार गरिने गाउँपालिका अध्यक्ष निशान्त शर्माले जानकारी दिनुभयो ।