असार १५, सोलुखुम्बु । सोलुखुम्बुको लिखुपिके गाउँपालिकाले गाउँपालिकाको कृषि, शिक्षा, स्वास्थ्य लगायत प्रशासनिक क्षेत्रमा योगदान गर्ने व्यक्तीहरुलाई सम्मान तथा पुरस्कृत गरेको छ । आइतबार गाउँपालिकाले उत्कृष्ट कृषक, कर्मचारी लगायत २१ जनालाई नगद पुरस्कार सहित सम्मान पत्रले सम्मानित गरेको हो ।
गाउँपालिका अध्यक्ष मिना कार्की बस्नेतले उनिहरुलाइ सम्मानित गर्नुभएको हो । सम्मानित हुनेहरूमा उत्कृष्ट कृषकहरू गाउँपालिकाको वडा नम्बर १ का आङ कामी शेर्पा, वडा नम्बर २ बाट इन्द्र बहादुर खड्का, वडा नम्बर ३ बाट टिका बहादुर बस्नेत, वडा नम्बर ४ बाट विर बहादुर कार्की र भक्त बहादुर कार्की र वडा नम्बर ५ बाट जाङबु शेर्पालाई नगद ७ हजार सहित सम्मान पत्रले सम्मानित गरिएको हो । चिया, अलैँची, ओखर तथा स्याउ उत्पादन गर्ने उनिहरुलाई सम्मानित गरिएको गाउँपालिकाले जनाएको छ ।
यस्तै गाउँपालिकाबाट आइटी अध्यायन गर्ने २ जना विद्यार्र्थीहरुलाई आर्थिक सहायता प्रदान गरिएको छ । उनिहरुलाई अध्ययन पुरा गरेपछि गाउँपालिकामा २ वर्ष सशुल्क सेवा गर्ने सर्त सहित सम्मानित गरिएको गाउँपालिकाले जनाएको छ । आइटि अध्ययन गर्ने निरेन बस्नेतलाई २ लाख र सुरेन बस्नेतलाई १ लाख रुपैयाँ आर्थिक सहयोग प्रदान गरिएको छ । यस्तै गाउँपालिकाकाे वडा नम्बर १ सहित उत्कृष्ट २ कर्मचारीलाई पनि नगद ५ हजार रूपैयाँ सहित पुरस्कृत गरिएको छ । बढी राजस्व संकलन गर्ने वडा नम्बर १ लाइ सम्मानीत गरिएकाे हाे भने पुरस्कृरत हुने २ कर्मचारीमा रवी राई र गोविन्द बस्नेत रहनु भएको छ ।
यस्तै सेवा निवृत्त भइसकेका ३ जना महिला स्वास्थ्य स्वयंसेविकालाई ५० हजार नगद सहित पुरस्कृत गरिएको छ । पुरस्कृत हुने स्वयंसेविकाहरुमा डोर कुमारी दाहाल, लक्ष्मी बस्नेत र फुर्दिकी शेर्पा रहनुभएको छ । यस्तै गाउँपालिकाले अपाङ्गा भएका ७ जना विद्यार्थीहरूको अध्ययानमा सहयोग हेतु ७ हजार नगद आर्थिक साहयता प्रदान गरेको गाउँपालिकाले जनाएको छ । गाउँपालिकाका उमेरहद पछि सेवा निवृत्त भएर जानुभएका गाउँपालिकाका पूर्व शिक्षा शाखा रेखराज बस्नेतलाइ दाेसल्ला र कदरपत्र सहित सम्मानीत गरिएकाे छ । यस्तै याेजना सञ्चालनका क्रममा उत्कृष्ठ काम गर्ने ५ वटै वडाका ५ वटा उपभाेक्ता समितिलाइ पनि ५ हजार नगद सहित पुरस्कृत गरिएकाे छ । गाउँपालिकाको चालु आर्थिक वर्ष २०८१/८२ को वार्षिक स्वीकृत कार्यक्रमअनुसार उनिहरुलाई पुरस्कृत गरिएको गाउँपालिका अध्यक्ष मिना कार्की बस्नेतले बताउनुभयो ।
Discussion about this post