भोजपुरको आमचोक गाउँपालिका बन्यो पूर्ण खोप सुनिश्चित पालिका 

असार १६, सोलुखुम्बु । भोजपुरको आमचोक गाउँपालिकालाई पूर्ण खोप सुनिश्चित पालिका घोषणा गरिएको छ ।  गाउँपालिका अध्यक्ष अशोक राईको अध्यक्षतामा सम्पन्न एक समारोहबा बीच गाउँपालिकालाई पूर्ण खोप सुनिश्चितता तथा दिगोपना पालिका घोषणा गरिएको हो । गाउँपालिकाको १० वटै वडाका जन्मे देखी ५९ महिना सम्मका बालबालिकालाई खोप लगाइसकेपछि यो वर्षका लागी गाउँपालिका पूर्ण खोप सुनिश्चीत पालिका बनेको गाउँपालिकाका स्वास्थ्य शाखा प्रमुख महिनारायण चौधरीले बताउनुभयो ।  

उहाँका अनुसार गाउँपालिकामा रहेका लक्षित १५ महिना सम्मका १ सय ७५ बालबालिका र १६ देखी ५९ महिना सम्मका ५ सय ५५ बालबालिकालाई पूर्ण खोप दिइएको हो ।  कार्यक्रममा गाउँपालिका अध्यक्ष राई, जिल्ला खोप समन्वय समितिका प्रतिनिधी, स्वास्थ्य कार्यालय भोजपुरका प्रमुख श्रीजना बनमाली लगायतको उपस्थिति रहेको स्वास्थ्य शाखा प्रमुख चौधरीले बताउनुभयो ।