सोलदुधकुण्ड भित्रका नदीजन्य सामाग्री उत्खननमा कडाइ, अनुमति विना नपाइने 

असार १६, सोलुखुम्बु ।  सोलुदुधकुण्ड नगरपालिकाले जथाभावि रुपमा नदिजन्य बस्तु उत्खनन तथा विक्रीवितरण गर्न रोक लगाएको छ ।  एक सूचना जारी गदै नगरपालिकाका प्रमुख प्रशासकीय अधिकृत टुक्ती शेर्पाले नगरपालिका क्षेत्रभित्र भएर बग्ने नदि तथा खोलाहरूको श्रोत उत्खनन तथा सङ्कलन गर्न अनुमति लिनुपर्ने उल्लेख गर्नुभएको हो ।  नगरपालिकाकामा प्रारम्भिक वातावरणीय परिक्षण प्रतिवेदन सम्बन्धी ऐन लागू भइसकेकाले अनुमति विना नदिजन्य सामाग्री सङ्कलन तथा विकृवितरणमा रोक लगाइएको हो ।  नगरपालिकाले जथाभावि यसरी नदीजन्य सामाग्रीको उत्खनन गर्दा वातावरणमा गम्भीर असर पर्नुका साथै सार्वजनिक तथा निजी सम्पत्तिमा समेत असर पर्ने भएकाले त्यसलाई व्यवस्थीत गर्न लागी परेको जनाएको छ ।  नगरपालिकाको आग्रहलाई वेवास्ता गरे कानुन बमोजिम कारवाही हुने पनि जनाइएको छ ।