प्रदेशहरुको बजेट अस्तव्यस्त, अनियमितता बढ्ने खतरा : कांग्रेस नेता शेर्पा

असार २०, सोलुखुम्बु । नेपाली कांग्रेसका केन्द्रिय सदस्य तथा पर्यटन बिभाग प्रमुख आङगेलु शेर्पाले प्रदेशहरुले ल्याएको बजेटमा आपत्ती जनाउनुभएको छ । नेपाली कांग्रेसको जारी केन्द्रीय समिति बैठकमा बोल्दै शेर्पाले प्रदेशहरुको बजेटले पार्टी नेता कार्यकर्ताको मनोबल घटाएको बताउनुभएको हो । शेर्पाले जनातालाई केन्द्रबिन्दुमा राखेर बजेट ल्याउन प्रदेशहरु असफल भएको दाबी गर्दै यसले संघियतामाथि प्रश्न उठाउनेहरुको मनोबल बढाउने दाबी गर्नुभयो ।

शेर्पाले प्रदेशहरुले ल्याएको बजेट अस्तब्यस्त भएको भन्दै बजेट जस्ताको तस्तै कार्यन्वनमा आए अर्थिक बिचलन र अनियमितताको खतरा बढ्ने औंल्याउनुभयो । उहाँले प्रदेशहरुको बजेटमाथि छनबिन गर्न पार्टिले उच्च स्तरिय छनबिन समिती बँनाउनुपर्ने माग गर्नुभयो । संसदभित्र भईरहेका गतिबिधीमाथी समेत शेर्पाले प्रश्न उठाउनुभयो । सांसदहरुले जथाभाबी बोल्दा संसद आफै बिकृती र बिसंगतिको थलो बन्न थालेकोले छनबिन समिती बनाउन पनि पार्टिले पहल गर्नुपर्ने माग गर्नुभयो । संसदभित्रका गतिबिधिहरुले सामाजिक मर्यादा उलङ्गहन गरिरहेको शेर्पाको भँनाई थियो ।

उहाँले पार्टि भातृ संस्थाहरुको गठन र बिघटनमा अल्झिन नहुने बताए ।भातृ संस्थाहरु स्वतन्त्र ढंले चल्न दिनु पर्ने भँनाई राख्दै शेर्पाले भातृ संस्थाहरुलाई बर्गिय हितमा केनिद्रत गर्नेपर्ने उल्लेख गर्नुभयो । उहाँले नेपालमा पर्यटनको थप बिकाश गर्न माउन्ट कैलाशको दर्शन गर्न जानेहरुका लागी मुस्ताङको कोरला नाका खोल्न पार्टी र सरकारलाई चिनसँग पहल थाल्न सुझाब दिनुभयो ।