द पार्टनर्स नेपाल र चाम्लाङ सिर्जनशील युवा समाजले गर्यो महाकुलुङको सुम्बु देथोनाम क्षेत्रमा फलफुल विस्तार कार्यक्रम

असार २२, सोलुखुम्बु । द पार्टनर्स नेपालको आर्थिक सहयोगमा चाम्लाङ सिर्जनशील युवा समाजले सुम्बु देथोनाम क्षेत्रमा फलफुल विस्तार कार्यक्रमू  सफलतापूर्वक सम्पन्न गरेको छ । कार्यक्रममा महाकुलुङ ३ छेस्काम सुम्बु देथोनाम क्षेत्रका जम्मा २९ घरधुरी सक्रिय रूपमा संलग्न भएका छन् ।

स्थानीय आवश्यकता र मागको आधारमा ७०० बोट सुन्तलाको बिरुवा र ३८३ बोट कागतीको बिरुवा वितरण गरी रोपिएको आयोजक संस्थाले जानकारी दिएको छ । कार्यक्रम सञ्चालनका लागि जम्मा ४ लाख रुपैयाँ खर्च भएको चाम्लाङ सिर्जनशील युवा समाजका अध्यक्ष विद्याराज कुलुङले बताउनुभयो । बिरुवासंगै सिंचाइको लागि पाइप लगायतका सामाग्री पनि उपलब्ध गराएको सहकर्मी उद्धव कुलुङले जानकारी दिनुभयो ।

कार्यक्रमले दीर्घकालीन रूपमा स्थानीय कृषिमा टेवा पुर्‍याउने विश्वास लिइएको छ र फलफुल खेतीबाट स्थानीयको आयआर्जनमा सकारात्मक प्रभाव पर्ने अपेक्षा गरिएको द पाट्र्नर्स नेपालको कोषाध्यक्ष भलाकाजी कुलुङले बताउनुभयो ।