सोलुदुधकुण्ड नगरपालिकाले वितरण गर्यो केरुङका किसानलाई कृषि औजार

असार २३, सोलुखुम्बु । सोलुखुम्बुको सोलुदुधकुण्ड नगरपालिकाले वडा नम्बर ८ केरुङका किसानहरुलाई कृषि औजार वितरण गरेको छ । नगरपालिकाको कृषि शाखाको वार्षिक स्वीकृत कार्यक्रम “कृषि यान्त्रीकरण प्रवद्र्धन कार्यक्रम“ अन्तर्गत सोमबार किसानहरुलाई आधुनिक कृषि उपकरण प्रदान गरिएको हो ।

कृषि शाखा प्रमुख मिङमार डोमा शेर्पाका अनुसार वितरण गरिएका उपकरणहरूमा १५ वटा मिनिटिलर, ८ वटा मल्टीक्रप थ्रेसर र १२ वटा कम्बाइन मिल समावेश छन् । उक्त औजार खरिद र वितरणको लागि नगरपालिकाले ११ लाख ६४ हजार रुपैयाँ र कृषक समूहले २ लाख ९१ हजार रुपैयाँ लगानी गरेका थिए । यस कार्यक्रम अन्तर्गत १० जना कृषकले औजार प्राप्त गरेका छन् ।

सोलुदुधकुण्ड नगरपालिकाका मेयर नाम्गेल जाङ्बु शेर्पाले किसानको श्रमलाई सहज बनाउने उद्देश्यले कृषि औजार वितरण गरिएको जानकारी दिनुभयो। उहाँले यस्ता कार्यक्रमले कृषिमा यान्त्रीकरणलाई प्रवद्र्धन गर्ने र उत्पादनमा समेत वृद्धि हुने विश्वास व्यक्त गर्नुभयो ।