बाढीमा परी साेलुमा एककाे मृत्यु, १४ घण्टा पछि निकालियाे शव

असार २५, साेलुखुम्बु ।   गएरातीको आरिघोप्टे वर्षातले सोलुखुम्बुमा एक जनाको ज्यान लिएको छ । थुलुङ दुधकोशी गाउँपालिका वडा नम्बर १ नेले स्थित शिखुखोलामा एउटा मोटरसाइकल फेला परेपछि उक्त साधनमा सवार व्यक्तीलाई को खोजि गर्ने क्रममा एक शव सोही खोलामा भेटीएको हो । आरीघोप्टे वर्षातपछि आएको शिखुखोला बाढीले सोलुखुम्बुको थुलुङ दुधकोशी गाउँपालिका ८ का मिङमार तामाङको ज्यान गएकाे हो । गएराती नेलेबाट मुक्लीका लागी करिव ७ बजे हिँडेका तामाङलाई बाढीले बगाएको प्रारम्भीक जानकारी छ । बा ९४ प ३०९९ नम्बरको मोटरसाइकल सडक भन्दा ३० मिटर मुनि स्टार्ट अन अवस्थामै भेटीएको छ भने बाइकमा सवार तामाङको शव ढुंगा, बालुवा लगायतले पुरीएको अवस्थामा भेटीएको छ । मृतक तामाङ्ग नेलेमा माेवाइल पसल सञ्चालन गर्दै अाएकाे जिल्ला प्रहरी कार्यालय साेलुखुम्बुले जनाएकाे छ । तामाङ्गकाे शव १४ घण्टाकाे प्रयास पछि खाेलाबाट निकालीएकाे जिल्ला प्रहरी कार्रयालय साेलुखुम्बुका डिएसपी मनाेजिज कुवँरले बताउनुभयाे ।