चिशंखुगढीको सार्वजनीक सुनुवाई : ८३ प्रतिशत बजेट खर्च

असार २६, ओखलढुंगा । ओखलढुंगाको चिशंखुगढी गाउँपालिकाले चालु आर्थिक वर्ष २०८१/८२को सार्वजनीक सुनुवाई सम्पन्न गरेको छ । गाउँपालिकाको आयोजना तथा रेडियो एभरेष्टको सहजिकरणमा गाउँपालिकाको सभाहलमा सार्वजनीक सुनुवाई सम्पन्न गरेको हो । गाउँपालिका अध्यक्ष निशान्त शर्माको अध्यक्षता एवं गाउँपालिका उपाध्यक्ष सन्तोषबाबु थापा, प्रमुख प्रशासकीय अधिकृत थिर प्रसाद भट्टराई लगायत विभिन्न वडाका अध्यक्षहरुसहितको उपस्थीतिमा सम्पन्न सार्वजनीक सुनुवाई कार्यक्रममा गाउँपालिकाले चालु आर्थिक वर्षमा सम्पन्न गरेका योजना तथा खर्च गरेको बजेट सार्वजनीक गरिएको थियो ।

उक्त क्रममा गाउँपालिकाले चालु आर्थिक वर्षको अन्त्यसम्म ८३ प्रतिशत बजेट खर्च गरेको जानकारी गाउँपालिकाका प्रमुख प्रशासकीय अधिकृत भट्टराईले गराउनुभएको थियो । सार्वजनीक सुनुवाईका क्रममा गाउँपालिका अध्यक्ष निशान्त शर्माले सहभागीले उठाएका जिज्ञासा र प्रश्नको उत्तर दिनुभएको थियो । उहाँले आफु दोश्रो कार्यकालका लगाी पनि गाउपालिकाका नागरिकबाट अनुमोदन भएर आएको जनाउँदै उहाँले हाल सम्मको अवस्थामा आइपुग्दा गाउँपालिकाले विकासमा आमुल परिवर्तन पाएको महसुस गरेको उल्लेख गर्नुभएको थियो ।

उहाँले शिक्षा, स्वास्थ्य, भौतिक विकास, सडक पूर्वाधार विकासमा गाउँपालिकाले अथाह काम गरेको बताउँदै नागरिकले अनुभूत गर्ने खालको संघियता कार्यान्वयनमा आफ्नो ८ वर्षे कार्यकाल खर्च गरेको उल्लेख गर्नुभएको थियो । उहाँले गाउँपालिकाले कृषि क्षेत्रको विकासका लागी कृषक प्रोत्साहन कार्यक्रम, विउविजन वितरण कार्यक्रम गरेका, महिलाको क्षेत्रमा उद्यमसिलता तालिम, क्षमता विकास तालिम लगायत कार्यक्रम गरिएको बताउनुुभएको थियो । गाउँपालिकामा कर्मचारी अभावमा नागरिकले सेवा नपाएका जस्ता गुनासोहरु खेप्न नपरेको पनि बताउनुभएको थियो । कार्यक्रममा गाउँपालिका उपाध्यक्ष थाापले संचालित योजनाहरुको प्रभावकारीता र गुणस्तमा सम्झौता नगरि अनुगन गरिएको उल्लेख गर्नुभएको थियो ।

सुनुवाईका क्रममा उपस्थीत सेवाग्राही तथा सरोकारवाला नागरिले प्रश्नहरु उठाएका थिए । कार्यक्रममा गाउँपालिको वडा नम्बर १ का अध्यक्ष उषक कट्वाल, वडा नम्बर २ का अध्यक्ष नरेन्द्र बस्नेत, वडा नम्बर ३ का अध्यक्ष भिष्म श्रेष्ठ, वडा नम्बर ५ का अध्यक्ष नेत्र भट्टराई, वडा नम्बर का अध्यक्ष मुगाधन राई, कार्यपालिका सदस्यहरु, गाउँपालिकाका विषयगत शाखाका प्रमुख एवं कर्मचारी, नेपाली काङ्ग्रेसका पार्टी प्रतिनिधी रामचनद्र कार्की, नेकपा एमालेका प्रतिनिधी बलराम ज्वाला, माओवादी केन्द्रका प्रतिनिधी विक्रम भट्टराई, राष्ट्रिय स्वतन्त्र पार्टीका पालिका संयोजक ज्ञान बहादुर खड्का लगायत आम नागरिकको बाक्लो उपस्थीति रहेको थियो ।