जन्तेढुंगाको पुँजीगत बजेट खर्च ८६ प्रतिशत बढी

असार २६, सोलुखुम्बु । खोटाङको जन्तेढुंगा गाउँपालिकाले पुँजीगत विकासे बजेट तर्फ झण्डै ८७ प्रतिशत बजेट खर्च गरेको छ । चालु आर्थिक वर्षमा गाउँपालिकाले विकासे तर्फ विनियोजन गरेको बजेटको ८६ दशमलव ६१ प्रतिशत बजेट खर्च गरेको हो । गाउँपलिकाले औसतमा करिव ८५ प्रतिशत वित्तिय प्रगती हासिल गरेको छ ।

गाउँपालिकाले चालु आर्थिक वर्ष २०८१/८२ का लागी ल्याएको कुल बजेटको करिव ८५ प्रतिशत खर्च गर्न सफल भएको हो । गाउँपालिकाका प्रमुख प्रशासकीय अधिकृत विनय निरौलाले विवरण सार्वजनिक गर्दै गाउँपालिकाले यस वर्षको वित्तिय कारोवार गर्ने अन्तीम दिन असार २४ गते सम्म चालु तर्फ ८३ दशमलव १९ प्रतिशत र पुँजीगत तर्फ ८६ दशमलव ६१ प्रतिशत बजेट गर्न सफल भएको बताउनु भएको हो ।

संघीय सरकारबाट अनुदानमा प्राप्त हुने बजेटहरु कटौती हुँदा, ठेक्का प्रकृयामा निर्माण कम्पनीले बिलोमा काम गर्दा लगायत विभिन्न् कारण शत प्रतिशत बजेट खर्च हुन नसक्ने समस्या स्थानीय तहले झेल्दै आएका छन् ।