साउन १, सोलुखुम्बु । सोलुखुम्बुको महाकुलुङ गाउँपालिकाको एक सामुदायिक संस्थाले श्रमदान मार्फत गोरेटो बाटो मर्मत गरेको छ । स—सनो कामहरुलाई समेत सरकारी बजेट ताक्ते प्रवृत्तीलाई छाड्दै गाउँबासीले श्रमदान मार्फत बाटो मर्मत गरेका हुन् । गाउँपालिकाका स्थित बाफुदो सामुदायिक संस्थाले करिव ३ किलोमिटर गोरेटो बाटो मर्मत गरेको जनाइएको छ ।
लामो समय देखी स्थानीय गोरेटोबाटो सरसफाई तथा मर्मत गर्न सकृय संस्थाले यस पटकपनि सोही कार्यको निरन्तरता स्वरुप बाटो मर्मत गरिएको छ । श्रमदान मार्फत संस्थाले हुँगा खोला बगर देखी गुँदेल माध्यमिक विद्यालय सम्म बाटो मर्मत गरेको हो । श्रमसंस्कृतिलाई निरन्तरता दिँदै आएको उक्त संस्थाले आगामी दिनहरुमा पनि यस्तो कार्यहरुलाई निरन्तरता दिने प्रतिबद्धता व्यक्त गरेको सहकर्मी झलक कुलुङले बताउनुभयो ।
Discussion about this post