साउन ३, सोलुखुम्बु । सोलुखुम्बुको सोलुदुधकुण्ड नगरपालिकाले काठमाडौं उपत्यकामा बसोबास गरिरहेका नगरवासीहरूका लागि सेवा शिविर सञ्चालन गर्ने भएको छ । नगर कार्यपालिकाको असार २९ गतेको निर्णय अनुसार उक्त शिविर काठमाडौंको रामनगर पार्टी प्यालेसमा साउन ११, १२ र १३ गते सञ्चालन हुने भएको हो । शिविरमा जन्म, मृत्यु, विवाह, बसाइँसराइ, सम्बन्ध विच्छेदजस्ता पञ्जीकरण सम्बन्धी सेवा, सामाजिक सुरक्षा भत्ता दर्ता तथा नवीकरण, मालपोत तथा भूमि कर संकलन, साथै वडा कार्यपालिकाबाट प्रदान गरिने अन्य प्रशासनिक सेवाहरू उपलब्ध हुने नगरपालिकाले जनाएको छ ।
सोलुदुधकुण्ड नगरपालिकाका प्रमुख प्रशासकीय अधिकृत टुक्ती शेर्पाले एक सूचनामार्फत काठमाडौंमा रहेका सोलुदुधकुण्डवासीलाई आवश्यक कागजातसहित शिविरमा उपस्थित भई सेवा लिन आग्रह गर्नुभएको छ । नगरपालिकाको यस पहलले टाढा रहेको स्थानीय निकायसँग सेवा लिँदा भोग्नुपरेको कठिनाइ कम हुने र सेवा अझ सहज, पहुँचयोग्य तथा प्रभावकारी हुने विश्वास गरिएको छ ।
Discussion about this post