जिल्ला मालपोत कार्यालय सोलुले गर्यो एक आर्थिक वर्षमा ४ करोडभन्दा बढी राजश्व संकलन

साउन ४, सोलुखुम्बु । चालु आर्थिक वर्ष २०८१/८२ मा जिल्ला मालपोत कार्यालय सोलुखुम्बुले ४ करोडभन्दा बढी राजस्व संकलन गरेको छ । कार्यालयले साउनदेखि असार महिनासम्म जम्मा ४ करोड २९ लाख ६ हजार २ सय ७२ रुपैयाँ राजस्व संकलन गरेको जानकारी दिएको छ ।

कार्यालयका अनुसार सो राजस्व रजिस्ट्रेसन शुल्क र पूँजिगत लाभकर शीर्षकमा संकलन गरिएको हो । खरिदार सिताराम चौलागाईका अनुसार रजिष्ट्रेशन शुल्कमार्फत २ करोड ७२ लाख ६ सय ९२ रुपैयाँ र पूँजिगत लाभकरबाट १ करोड ७१ लाख ८५ हजार ५ सय ८० रुपैयाँ संकलन गरिएको हो । कार्यालयको तथ्याङ्क अनुसार साउन महिनामा २३ लाख ५१ हजार ८०१ रुपैयाँ, भदौमा ३५ लाख ६३ हजार ३५९ रुपैयाँ, असोजमा ४८ लाख ३८ हजार ४११ रुपैयाँ, कार्तिकमा २४ लाख ३३ हजार ८०२ रुपैयाँ र मंसिर महिनामा ४० लाख ६ हजार ३६३ रुपैयाँ राजश्व संकलन गरिएको उल्लेख गरिएको छ ।

यस्तै पुष महिनामा १२ लाख ८१ हजार ११९ रुपैयाँ, माघमा २२ लाख ५६ हजार ७३९ रुपैयाँ, फागुनमा १० लाख १५ हजार ९१० रुपैयाँ, चैत्रमा २५ लाख ३८ हजार ९९७ रुपैयाँ, बैशाखमा ३४ लाख ७९ हजार १५८ रुपैयाँ, जेठमा २३ लाख ८५ हजार ५७९ रुपैयाँ र असार महिनामा ३५ लाख ५८ हजार २३५ रुपैयाँ राजश्व संकलन गरिएको छ । राजस्व संकलनमा सबैभन्दा बढी योगदान असोज महिनामा भएको देखिन्छ भने फागुन महिनामा सबैभन्दा कम राजस्व संकलन भएको छ ।