माप्य दुधकोशीको आयोजनामा ७ दिने अभिभावक शिक्षा सहजकर्ता तालिम सुरु

साउन ४, सोलुखुम्बु । “बालबालिकाको सर्वाङ्गिण विकास, अभिभावक शिक्षाले दिन्छ निकास” भन्ने नारासहित सोलुखुम्बुको सदरमुकाम स्थित हिल भ्यु रेष्टुरेन्टमा अभिभावक शिक्षासम्बन्धी ७ दिने आधारभूत तालिम सुरु भएको छ । चाइल्ड एड नेटवर्कको आर्थिक सहयोग तथा माप्य दुधकोशी गाउँपालिकाको आयोजनामा तथा सेतो गुराँस राष्ट्रिय बालविकास सेवा अन्तर्गतको ‘ईसीडी हार्मोनी परियोजना’ मार्फत आयोजित उक्त तालिम सुरु भएको हो ।

आईतबारबाट सुरु गरिएको तालिम साउन १० गते सम्मा जारी रहने सेतो गुरासँ राष्ट्रिय बालविकास सेवाका जिल्ला परियोजना अधिकृत झपट बोहराले जानकारी दिनुभयो । तालिमको मुख्य उद्देश्य अभिभावक शिक्षाको महत्व बुझाउने, प्रारम्भिक बालविकास (०–८ वर्ष) को अवधारणामा स्पष्टता ल्याउने तथा समुदाय स्तरमा अभिभावक कक्षा सञ्चालनका लागि सहजकर्ताको क्षमता अभिवृद्धि गर्नु रहेको थियो । परियोजना संयोजक कर्ण बहादुर दरै र जिल्ला परियोजना अधिकृत झपट बोहराले सहजिकरण गर्नुभएको तालिममा २५ जनाको सहभागीता रहेको जनाइएको छ ।