सोलुखुम्बुमा अहिले सम्म २६.९३ प्रतिशत मात्र धान रोपाइँ

साउन ०५, साेलुखुम्बु ।  सोलुखुम्बुमा हालसम्म २६.९३ प्रतिशत मात्र धान रोपाइँ सम्पन्न भएको छ। जिल्लाभर कुल १,२२५ हेक्टर जमिनमा धान खेती हुने अनुमान गरिए पनि हालसम्म ३३० हेक्टरमा मात्र रोपाइँ सम्पन्न भएको कृषि ज्ञान केन्द्र सोलुखुम्बुले जनाएको छ।

कृषि ज्ञान केन्द्र सोलुखुम्बुका अनुसार समयमा वर्षाद नहुँदा, सिँचाइको अभावको  कारण खेत जोत्न ढिलाइ हुँदा रोपाइँ ढिला भइरहेको बताइएकाे छ । 

जसअनुसार  सोलुखुम्बुको नेचासल्यानमा १९ प्रतिशत रोपाइ सम्पन्न भएको छ । सोलुदुधकुण्ड नगरपालिकामा ३३ प्रतिशत ,थुलङ दुधकोशी गाउँपालिकामा २१ प्रतिशत ,सोताङ गाउँपालिकामा २१ महाकुलुङमा ८०,माप्य दुधकोशीमा २६.६६ लिखुपिकेमा ४०.७४  प्रतिशत रोपाई सम्पन्न भएको छ ।

सोलुखुम्बुको पासाङल्हामु गाउँपालिका बाहेक  अन्य स्थानिय  तहमा  पुर्ण तथा आंशिक क्षेत्रमा वर्षे धान खेती  हुने गरेको छ । सोलुखुम्बु जिल्लामा  समुद्री सतहबाट करिब १६ सय मिटर उचाई सम्म धान खेती गर्ने गरिएको छ ।