सोलुखुम्बुमा टिफर दुर्घटना हुँदा ३ जना घाइते 

साउन ७, सोलुखुम्बु । सोलुखुम्बुमा ट्रिफर दुर्घटना हुँदा ३ जना घाइते भएका छन् ।  जिल्लाको थुलुङ दुधकोशी गाउँपालिका वडा नम्बर ७ मा भएको दुर्घटनामा ३ जना घाइते भएका हुन ।  माप्य दुधकोशी गाउँपालिका र थुलुङ दुधकोशी गाउँपालिकाको सिमानामा रहेको त्रिवेणी खोला काँकुमा पुल निर्माणका लागी सिमेन्ट बोकेर गएको टिफर दुर्घटना हुँदा चालक आभास आचार्य, सहचालक हिरा टमाटा र गनी महत घाइते भएको जनाइएको छ ।  बा ०१००३ क ९२०४ नम्बर को टिफर थुलुङ दुधकोशी गाउँपालिका वडा नम्बर ७ रोक्ती भन्ने स्थानमा विहान ४ः३० तिर दुर्घटना भएको गाउँपालिकाका प्रवक्ता तथा देउसाका अध्यक्ष भोजराज कार्कीले बताउनुभयो । तीनैजना घाइतेहरुलाई उपचारका लागी स्थानीय जनप्रतिनिधी प्रहरी र सथानीयको मद्दतमा उपचारका लागी जिल्ला अस्पताल फाप्लु पठाइएको प्रवक्ता कार्कीले बताउनुभयो । दुर्घटनाको कारण भने खुल्न बाँकी रहेको जिल्ला प्रहरी कार्यालय सोलुखुम्बुले जनाएको छ ।