लिखुपिके गाउँपालिका वडा नम्बर २ ले काठमाण्डौमा शेवा शिविर सञ्चालन गर्ने 

साउन ७, सोलुखुम्बु । सोलुखुम्बुको लिखुपिके गाउँपालिका वडा नम्बर २ ले कोठमाण्डौमा सेवा शिविर सञ्चालन गर्ने भएको छ ।  वडा नम्बर २ ले काठमाण्डौको दाउरा किचनमा आगामी साउन ११ देखी १७ गतेसम्म सेवा शिविर सञ्चालन गर्ने भएको हो । वडामा स्थायी बसोबास भई काठमाण्डौमा बसोबास गर्दै आइरहेका सेवाग्राहीलाई लक्षित गर्दै आर्थिक वर्ष २०८२÷८३ को नियमित सुरक्षा भत्ता, अपाङ्गता तथा बालपोषण भत्ता जस्ता सासु भत्ताहरुको बायोमेट्रिक भेरिफिकेशनका लागी वडाले काठमाण्डौमै गएर सेवा दिने भएको वडा अध्यक्ष मणिराज बस्नेतले बताउनुभयो ।

 वडाले एक सूचना जारी गर्दै काठमाण्डौमै सेवा शिविर सञ्चालन हुने जानकरी गराउँदै राष्ट्रिय परिचयपत्र वा परिचयपत्र नम्बर, नागरिकता र तीनपुस्ते विवरण, सामाजिक सुरक्षा भत्ताको परिचयपत्र, बैँक खाता नम्बर र चेकबुकको फोटोकपी, लाभग्राहीको हालसालै खिचिएको फोटो, विधवाको हकमा पतिको मृत्युदर्ता प्रमाणपत्रको प्रमाणपत्रको प्रतिलिपि र अर्को विवाह नगरेको सिफारिस लगायतको प्रमाण र कागजात लिएर शिविर स्थल आउन आग्रह गरेको छ ।  यस्तै वडाले शिविरमा वडाका प्रशासनिक काम लगायत छापिएर आएका राष्ट्रिय परिचयपत्र पनि वितरण हुने जनाइएको छ ।