सोलुदुधकुण्ड नगरपालिकाको एकीकृत सेवा शिविरको तयारी सकियो, मेयर शेर्पाले उद्‌घाटन गर्ने 

साउन १०, सोलुखुम्बु ।  सोलुदुधकुण्ड नगरपालिकाले काठमाण्डौमा आयोजना गर्न लागेको एकिकृत सेवा शिविरको तयारी सम्पन्न भएको छ ।  नगरप्रमुख नाम्गेल जाङ्बु शेर्पाले काठमाण्डौमा उद्‌घाटन गर्ने कार्यक्रमको तयारी सम्पन्न भएको हो ।  सोलुदुधकुण्ड नगरपालिका स्थायी ठेगाना भई काठमाण्डौमा बसोबास गर्दै आएका नगरवासीको सेवाका लागी नगरपालिकाले काठमाण्डौ स्थित रामनगर पार्टीं प्यालेसमा आयोजना गर्न लागेको शिविरमा नगरपालिकाले पञ्जिकरण सहित अन्य विभिन्न सेवाहरू लिन सक्ने नगरपालिकाका प्रमुख प्रशासकीय अधिकृत टुक्ती शेर्पाले बताउनुभयो । ११ गतेबाट ३ दिन चल्ने सेवा शिविरमा ७ सय नागरिकले सेवा लिने आँकलन गरिएको उहाँको भनाई छ ।  शिविरमा वडाबाट हुने सिफरिस लगायत अन्य सम्पूर्ण कामहरू गरिने अधिकृत शेर्पाको भनाई छ ।