सोलुदुधकुण्डको ४ दिने एकिकृत सेवा शिविर ः ५ हजार बढीले लिए सेवा

साउन १४, सोलुखुम्बु । काठमाण्डौमा सेवा विस्तार गरेर ४ दिने एकिकृत शेवा शिविरको आयोजना गरेको सोलुदुधकुण्ड नगरपालिकाले ५ हजार बढी नगरवासीलाई सेवा दिएको छ । सोलुखुम्बुको सोलुदुधकुण्ड नगरपालिकाले आयोजना गरेको एकिकृत सेवा शिविरबाट ५ हजार ३ सय ३५ काठमाण्डौमा बस्दै आएका नगरबासीले सेवा लिएका हुन । वर्षायामको समयमा भौतिक रुपमा नगरपालिकामै आएर नागरिकलाई सेवा लिन व्यपार व्यवसायी, फरक क्षमता भएका व्यक्ती, आर्थिक रुपले विपन्न र अस्पताल जानुपर्ने समस्या भएका नागरिकहरुलाई लाई मध्येनजर गर्दै काठमाण्डौमा शिविर आयोजना गरिएको नगरपालिकाले जनाएको छ ।

काठमाण्डौमा आयोजना भएको शिविरबाट नगरपालिकाले आन्तरिक राजस्व तर्फ १३ लाख ४५ हजार ५ सय ६७ रुपैयाँ राजस्व संकलन गरेको छ । नगरपालिका स्थायी ठेगाना भई काठमाण्डौमा अस्थायी रुपमा बसोबास गरिरहेको करिव २० प्रतिशत जनसंख्यालाई नगरपालिकाले काठमाण्डौमै गएर सेवा दिएको हो । राष्ट्रिय जनगणना २०७८ अनुसार नगरपालिकाको जनसङ्ख्या २५ हजार ६ सय ६८ हो । सो अनुसार नगरपालिकाको सेवा लिने ५ हजार सेवा ग्राहीलाई काठमाण्डामै सेवा दिन नगरपालिका काठमाण्डौ पुगेको हो ।

गत ११ गतेदेखी सुरु गरिएको सेवा शिविर सुरुमा १३ गते सम्म निर्धारण गरिएको भएपनि सेवाग्राही बाँकी रहेको महशुस गरेर नगरपालिकाले १ दिन थप गरेको नगरपालिकाका नगरप्रमुख नाम्गेल जाङबु शेर्पाले बताउनुभयाे । उहाँले वर्षायामको समयमा नागरिकहरुको समस्यालाई ख्याल गर्दै सरकारनै काठमाण्डाै पुगेर सेवा दिएको बताउनुभएकाे हो । “यो वर्षाको समयमा उहाँहरु नगापालिका पुग्न सक्नु हुन्न, आ आफ्नै बाध्यताले काठमाण्डौमा बसिरहनुभएको छ, । त्यसैले हामीले यहीँ आएर नागरिकका आधारभुत प्रशासनीक काम गरिदिएका हौँ, यसले उहाँहरुको खर्च र समय दुबै बचाएको हामीले बुझेका छौ र उहाँहको पनि कुरा त्यही छ”