नेचासल्यानका बजार, घुम्ती तथा सिमाक्षेत्रमा सावधानी संकेतका होर्डिङ बोर्ड

साउन १५, सोलुखुम्बु । सोलुखुम्बुको नेचासल्यान गाउँपालिकाका क्षेत्रभित्र दुर्घटना सम्भावित क्षेत्र लेखिएका हार्डिङ बोर्ड राखिएको छ । इलाका प्रहरी कार्यालय नेचासल्यान गाउँपालिकाको समन्वय एवं लोकप्रिय मिडियाको संयोजनमा बोर्ड राखिएको हो । गाउँपालिका भित्रका बजार क्षेत्र, घुम्ती मोड एवं सिमा क्षेत्रमा बोर्ड राखिएको हो । गाउँपालिका क्षेत्रको ग्रामीण सडकको दुराबस्थालाई मध्येनजर गर्दै सवारी चालकहरुको सचेतनाका लागी उक्त होर्डिङ बोर्डहरु राखिएको समाजसेवी मिलन केसीले बताउनुभयो ।

हार्डिङ बोर्ड राखीएपछि यसले सवारी चालकहरुलाई केही हद सम्म सावधान गराउँदै दुर्घटनाबाट जोगाउन मद्धत गर्ने प्रहरीले जनाएको छ । हार्डिङ बोर्ड स्थापनाका लागी प्रयोजक संस्थाका अध्यक्ष केसी सहित गाउँपालिकाको वडा नम्बर २ का अध्यक्ष सिताराम काफ्ले, इलाका प्रहरी कार्यालय र अस्थायी प्रहरी चौकी सल्यानका प्रहरी प्रमुखहरु तथा स्थानीय नागरिकहरुको उपस्थीति थियो ।