साउन १७, सोलुखुम्बु । अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले पूर्वका २ वटा जिल्ला इन्चार्जको जिम्मेवारी उपरकोटीलाई सुम्पिएको छ । नेकपा एमाले निकट विद्यार्थी सङ्गठन अनेरास्ववियुले पूर्वी हिमाली जिल्ला सोलुखुम्बु र पहाडी जिल्ला खोटाङ २ जिल्ला इन्चार्जको जिम्मेवारी विष्णु उपरकोटीलाई दिएको हो । खोटाङ जिल्लाको अध्यक्ष समेत रहेर काम गरिसकेका उपरकोटी कही समय अघि सम्पन्न केन्द्रिय अधिवेशनबाट केन्द्रिय सदस्यमा निर्वाचित भएका छन् । सो पश्चात उनलाई २ वटा जिल्लाको इन्चार्जको जिम्मेवारीमा पठाइएको अनेरास्ववियु केन्द्रिय सचिवालयले जनाएको छ । यता जिल्ला संयोजकको जिम्मेवारी सुशीला तिमिल्सिनालाई तोकिएको छ भने अभिषेक घिमिरे र ईश्वर आचार्य सह संयोजक बनेका छन् ।
Discussion about this post