सोलुखुम्बुमा रवी लामिछानेको लागी करिव ३ हजार हस्ताक्षर सङ्कलन, अभियान जारी 

साउन १८, सोलुखुम्बु । राष्ट्रिय स्वतन्त्र पार्टी रास्वपाको हस्ताक्षर अभियान अन्तर्गत सोलुखुम्बुबाट करिव ३ हजार हस्ताक्षर सङ्कलन भएको छ ।  जिल्लामा चलिरहेको अभियानबाट पार्टीले ३ हजार बढी हस्ताक्षर सङ्कलन गरेको हो ।  सभापति रवि लामिछानेमाथि राज्यले प्रतिशोध साँधेको भन्दै सोका विरुद्ध पार्टीले अभियाननै चलाएर हस्ताक्षर सङ्कलन गरिरहेको छ ।  

सोही बमोजिम सोलुखुम्बुका ८ वटै पालिकाका पालिका समितिहरूले सम्बन्धित पालिकामा हस्ताक्षर सङ्कलन गरिरहेको राष्ट्रिय स्वतन्त्र पार्टीका जिल्ला सभापति नारायण काजी कार्कीले बताउनुभयो । उहाँले राज्यले आफ्नो पार्टी र सभापति विरुद्ध राजनीतिक प्रतिशोध साँधेको भन्दै जिल्ला जिल्ला, पालिका र वडा सम्म पुगेर हस्ताक्षर सङ्कलन गरिरहेको र नागरिकले उत्साहपूर्वक अभियानमा साथ दिएको पनि उल्लेख गर्नुभयो ।  देशभरबाट सङ्कलन भएको हस्ताक्षर लिएर न्यायलयको ढोका ढकढक्याउने सभापति कार्कीले बताउनुभयो ।