मध्ये बर्खामा समेत आगलागीका घटना, नुनथलामा घर जल्यो, तामाङ परिवारको उठिबास 

साउन १९, सोलुखुम्बु ।  खोटाङ्गको दिक्तेल रुपाकोट मझुवागढी नगरपालिका १३ नुनथलामा आगलागी हुँदा १३ लाख बराबरको क्षती भएको छ ।  नुनथलाका जित बहादुर तामाङको घरमा आगलागी हुँदा १३ लाखको क्षति भएको हो ।  आइतबार साँझ ६ बजे अचानक घरमा आगो सल्किएपछि तामाङको घर, घरभित्रको अन्नपात, भाँडावर्तन, लत्ताकपडा, धनीपुर्जा लगायत अन्य कागजात जलेर नष्ट भएको जिल्ला प्रहरी कार्यालय खोटाङले जनाएको छ ।  मध्य वर्षांमा समेत आगलागीका घटना भइरहेकोले सचेतता अपनाउन प्रहरलिे आग्रह गरेको छ । घरमा भएको अगेनाबाट सल्किएको आगोले वर्षामा समेत तामाङ परिवारको उठिबास लगाएको छ ।  आगो स्थानीय र प्रहरीको सहायताले करिव ७ बजे तिर नियन्त्रणमा लिइएको जनाइएको छ ।