खुम्बुका ४ सय बढी नागरिकले लिए काठमाण्डौबाटै सेवा 

साउन २०, सोलुखुम्बु ।  खुम्बु पासाङ ल्हामु गाउँपालिकाले अाइतबार काठमाण्डौमा सुरु गरेको सेवा शिविरमा ४ सय जना खुम्बुबासीले सेवा लिएका छन् ।  काठमाण्डौमा गत १८ गतेबाट सुरु भएको सेवा शिविरबाट ३ दिनमा गाउँपालिकाका ४ सय ८ जनाले विभिन्न प्रशासनीक सेवा लिएका हुन ।  विविध कारण काठमाण्डौमा बस्दै आएका नागरिकहरूको लागी गाउँपालिकाले सुरु गरेको सेवा शिविर प्रभावकारी ढङ्गले सञ्चालन भइरहेको गाउँपालिकाकाे वडा नम्बर १ का अध्यक्ष फुनुरू शेर्पाले बताउनुभयाे ।  

 शिविरकाे तेश्राे दिन मंगलबार वडा नम्बर १ का ३८ जनाले, वडा नम्बर २ का २९ जनाले, वडा नम्बर ३ का ६६ जनाले वडा नम्बर ४ का २७ जनाले र वडा नम्बर ५ का ४० जना गरि जम्मा २ सय जनाले विभिन्न प्रशासनिक सेवा लिएको जनाइएको छ ।  गाउँपालिकाले काठमाण्डौमै पुगेर नागरिकहरूलाई नवीकरण सम्बन्धी सेवा, पञ्जिकरण सम्बन्धी सेवा,  तिरो सम्बन्धी र सिफारिस सम्बन्धी सेवा सञ्चालन गरिरहेको छ ।  शिविर भोलि बुधबार सम्म चल्ने छ गाउँपालिकाका प्रमुख प्रशासकीय अधिकृत नवराज गौतमले बताउनुभयो ।