सोलुखुम्बु सहित ३२ जिल्लामा आज बाढीको मध्यम जोखिम

साउन २२, सोलुखुम्बु । आज ३२ जिल्लामा बाढीको मध्यम जोखिम रहेको बाढी पूर्वानुमान महाशाखाले जनाएको छ । कोशी प्रदेशका झापा, इलाम, पाँचथर, ताप्लेजुङ, तेह्रथुम, धनकुटा, सङ्खुवासभा, भोजपुर, ओखलढुङ्गा, सोलुखुम्बु, रामेछाप, मोरङ, उदयपुरमा बाढीको मध्यम जोखिम रहेको महाशाखाले जनाएको छ ।

यस्तै बागमती प्रदेशका दोलखा, सिन्धुपाञ्चोक, काठमाण्डौ, ललितपुर, भक्तपुर, धादिङ, रसुवा, सिन्धुली, मकवानपुरमा बाढीको मध्यम जोखिम छ । लुम्बिनी प्रदेशका दाङ, बाँके, बर्दिया, कर्णाली प्रदेशका सुर्खेत, दैलेख तथा सुदूरपश्चिम प्रदेशको अछाम, डडेलधुरा, डोटी, कैलाली र कञ्चनपुरमा बाढीको मध्यम जोखिम रहेको बाढी पूर्वानुमान महाशाखाले जनाएको छ ।

बाढीको जोखिम भएका जिल्ला तथा आसपास भएर बहने खोला तथा नदी तटीय क्षेत्रहरुमा आवश्यक सतर्कता अपनाउन महशाखाले अनुरोध गरेको छ ।