साउन २२, सोलुखुम्बु । उदयपुरमा लागुऔषध गाँजा सहित एक युवक पक्राउ परेका छन् । पक्राउ पर्नेमा बेलका नगरपालिका–३, मोरङ्गे टोल निवासी ३५ वर्षीय सुनिल श्रेष्ठ रहेका छन् । उनी बुधबार दिउँसो बेलका नगरपालिका–१ स्थित रामपुर ठोक्सिलाबाट फत्तेपुरतर्फ जाँदै गरेको अवस्थामा पक्राउ परेका हुन् ।
जिल्ला प्रहरी कार्यालय उदयपुरका अनुसार श्रेष्ठ सवार मोटरसाइकल (प्रदेश १–०५–००१ प ९४७८) बाट ९ किलोग्राम गाँजा बोकेर गइरहेका थिए । प्रहरी बिट आम्बासीबाट खटिएको टोलीले उनीसँगै उक्त गाँजा बरामद गरेको हो । अहिले उनलाई नियन्त्रणमा लिई थप अनुसन्धान भइरहेको प्रहरीले जनाएको छ ।
Discussion about this post