ताप्लीमा विविध जातीय झाँकीसहित ३१ औं विश्व आदिवासी जनजाति दिवस मनाइयो

साउन २४,सोलुखुम्बु । नेपाल आदिवासी जनजाति महासंघ ताप्लीद्वारा ३१ औं विश्व आदिवासी जनजाति दिवस भव्य रुपमा मनाइएको छ । “प्राकृतिक स्रोत, जल, जमिन र जंगलमाथि आदिवासी जनजातिको अधिकार सुनिश्चित गर” भन्ने मूल नाराका साथ कार्यक्रम विविध जातीय सांस्कृतिक झाँकी र नृत्य प्रदर्शन गरी दिवस मनाइएको हो ।

कार्यक्रममा नेवार समुदायको प्रसिद्ध ‘लाखे नाच’, मगर समुदायको ‘हुर्रा नाच’, राई समुदायको ‘चण्डी नाच’, तामाङ समुदायको ‘डम्फु नाच’ तथा भुजेल जातिको पारम्परिक नृत्यलगायत विभिन्न जातीय सांस्कृतिक झाँकीहरू प्रस्तुत गरिएको थियो । कार्यक्रम नेपाल आदिवासी जनजाति महासंघ ताप्लीका अध्यक्ष लालबहादुर यस्माली मगरको अध्यक्षतामा सम्पन्न भएको थियो भने ताप्ली गाउँपालिकाका अध्यक्ष ढुङ्गराज विश्वकर्मा प्रमुख अतिथि रहेका थियो ।

त्यस्तै अन्य सरोकारवालाहरू, सामाजिक अगुवाहरू, विद्यार्थी, स्थानीयबासी तथा विभिन्न जातीय संघ–संस्थाका प्रतिनिधिहरूको उल्लेख्य सहभागिता रहेको सहकर्मी ठविन्द्र मगरले जानकारी दिनुभयो । कार्यक्रममार्फत आदिवासी जनजातिहरूको सांस्कृतिक पहिचान संरक्षण, प्रवद्र्धन र अधिकार सुनिश्चितताका लागि व्यापक जागरण फैलाउने उदेश्य लिएको आयोजकले जनाएको छ ।