साउन २६, सोलुखुम्बु । सोलुदुधकुण्ड नगरपालिका सोलुखुम्बुले अगुवा कृषकहरूलाई बगैँचा व्यवस्थापनका सामाग्री वितरण गरेको छ । नगरपालिकामा सञ्चालित पहाडी क्षेत्र काष्ठफल तथा फलफूल आयोजना कार्यान्वयन इकाई अन्तर्गतको कार्यक्रम कार्यान्वयनका लागी नगरपालिकाले ५ जना कृषकहरूका लागी बगैँचा व्यवस्थापनका सम्बन्धित कृषि सामाग्रीहरू वितरण गरेको हो ।
फलफूलमा लाग्ने रोगकीरा नियन्त्रण तथा व्यवस्थापनका लागी नगरपालिकाले १८ जना कृषकसँग सम्झौता गरेर स्प्रेयर लगायतका विभिन्न सामाग्री वितरण गरेको नगरपालिकाका प्रवक्ता फुर्वा ग्याल्जेन शेर्पाले बताउनुभयो । यो कार्यक्रम कोशी प्रदेशका ७ वटा जिल्लाका २२ स्थानीय तहमा सञ्चालन भइरहेको छ । जसमध्ये सोलुखुम्बुको सोलुदुधकुण्ड नगरपालिका समेत १ हो ।
एसियाली विकास बैँक विश्व कृषि तथा खाद्य सुरक्षा कार्यक्रम र नेपाल सरकारको संयुक्त लागत साझेदारी तथा ऋण लगानीमा यो कार्यक्रम सोलुखुम्बु लगायत देशका १ सय वटा स्थानीय तहमा सञ्चालन भइरहेको छ । सोलुखुम्बुमा यो कार्यक्रमले स्याउ, किवी तथा ओखर जस्ता काष्ठफलहरुको उत्पादनमा लगानी भइरहेको छ ।
Discussion about this post