अनेरास्ववियु क्रान्तिकारी देउसा इकाई समितिको अध्यक्षमा सर्मिला चयन 

साउन २७, सोलुखुम्बु । माअोवादी निकट विद्यार्थी सङ्गठन अखिल नेपाल राष्ट्रिय स्वतन्त्र विद्यार्थी युनियन देउसा मावि इकाई कमिटीको अध्यक्षमा महिला अध्यक्ष चयन भएकी छन् ।  देउसा माध्यमिक विद्यालय दुधकोशी गाउँपालिकाको इकाई कमिटी अध्यक्षमा सर्मिला बस्नेत चयन भएकी हुन ।  अनेरास्ववियु सोलुखुम्बुका अध्यक्ष सोनाम शेर्पाको उपस्थितिमा गठित समिति ४५ सदस्यीय निर्माण भएको छ ।  कमिटीको उपाध्यक्षमा विशाल केसी, सचिव निशा खत्री, सहसचिव अनमोल केसी र रञ्जना राई र कोषाध्यक्षमा अपराजित राई चयन भएका छन्  । विद्यालयमा समिति गठनका लागी जिल्ला समितिका अध्यक्ष सहितका पदाधिकारीको उपस्थिति रहेको थियो ।