तिङ्लाका १ हजार बढी नागरिकलाई राष्ट्रिय परिचयपत्र वितरण 

साउन २७, साेलुखुम्बु । सोलुखुम्बुको सोलुदुधकुण्ड नगरपालिका ११ तिङ्लाले राष्ट्रिय परिचयपत्र वितरण कार्यलाई तिव्रता दिएको छ ।  वडाले छापिएर आएका राष्ट्रिय परिचयपत्र वडा कार्यालयमार्फत वितरण गरिरहेको हो ।  हाल सम्म वडा कार्यालयले १ हजार ५० बढी राष्ट्रिय परिचयपत्र वितरण गरिसकेको छ ।  वडाले वितरण सुरु गरेको तेश्रो दिन सम्म सो सङ्ख्याको राष्ट्रिय परिचयपत्र वितरण सम्पन्न गरेको वडा अध्यक्ष टङ्क बहादुर कार्कीले बताउनुभयो ।  जिल्ला प्रशासन कार्यालयमा विवरण भरेपछी छापिएर आएका राष्ट्रिय परिचयपत्र वितरण कार्य वडा मार्फतनै गर्न सक्ने गरि जिल्ला प्रशासन कार्यालयले व्यवस्था मिलाएको थियो । सो अनुसार अहिले जिल्ला स्थित स्थानीय तहले काठमाण्डौ सम्म पनि लगेर परिचयपत्र वितरण गरिरहेका छन् ।