सोलुखुम्बुमा यस वर्षको धान रोपाइ सकियो

भदौ ४, सोलुखुम्बु । हिमाली जिल्ला सोलुखुम्बुमा यस वर्षको धान रोपाइ सम्पन्न भएको छ । कृषि ज्ञान केन्द्र सोलुखुम्बुको तथ्याङ्क अनुसार, जिल्लाभरि साउन मसान्त सम्म सय प्रतिशत धान रोपाइ सकिएको हो । खुम्बु पासाङल्हामु गाउँपालिका बाहेकका सातवटा स्थानीय तहमा कूल १ हजार २२५ हेक्टर क्षेत्रफलमा धान रोपाइ सम्पन्न भएको कृषि ज्ञान केन्द्र सोलुुखुम्बुका सूचना अधिकारी महेश शर्माले जानकारी दिनुभयो ।

उहाँका अनुसार सोलुदुधकुण्ड नगरपालिकामा ३० हेक्टर, थुलुङ दुधकोशी गाउँपालिकामा ४७५ हेक्टर, नेचासल्यान गाउँपालिकामा ३६० हेक्टर, सोताङ गाउँपालिकामा १६५ हेक्टर, लिखुपिके गाउँपालिकामा १३५ हेक्टर, माप्यदुधकोशी गाउँपालिकामा ४५ हेक्टर र महाकुलुङ गाउँपालिकामा १५ हेक्टर जमिनमा धान रोपिएको छ ।

यस बर्ष समयमै बर्षा नहुँदा धान रोपाईम केहि ढिलाई भएको कृषि ज्ञान केन्द्रले जनाएको छ । धान उत्पादनमा सबै भन्दा बढी थुलुङ दुधकोशी र नेचासल्यान गाउँपालिकामा रोपाइको क्षेत्रफल उल्लेख्य रहेको देखिएको छ । यस्तै भौगोलिक अवस्थाका कारण खुम्बु पासाङल्हामु गाउँपालिकामा भने धान रोपाइ हुने गरेको छैन् ।