कक्षाकोठाका सामाग्री नै प्रयोग गरेर टिकटक बनाउन थालेपछि विद्यालयले ग¥यो बन्द

भदौ ४, सोलुखुम्बु । सोलुखुम्बुको नेचासल्यान गाउँपालिका स्थित हिमाल दर्शन माध्यमिक विद्यालयले कक्षाकाठा भित्र टिकटक खिच्न र सामाजिक सञ्जाल बन्द गरेको छ । विद्यालय समयभित्र वा कक्षाकोठामा अध्यापन गराइरहेको समयमा टिकटक लगायत सामाजिक सञ्जाल बन्द गरिएको हो ।  विद्यार्थीले विद्यालयमा मोबाइल प्रयोग गर्ने बानीलाई निरुत्साहित गर्न पनि विद्यालयको यस कदमले टेवा पु¥याउने विद्यालय व्यवस्थापन समिति अध्यक्ष ओम प्रसाद बास्तोलाले बताउनुभयो ।  विव्यसको बैठक बसेर निर्णयनै गरेर विद्यालय समयभित्र मोवाइल बन्द गरिएको उहाँको भनाई छ । 

यता प्रायः विद्यालयहरूमा  पछिल्लो समय प्रविधिमैत्री शिक्षाको नाममा शिक्षकहरुनै विद्यालय समयभित्र टिकटक लगायत सामाजिक सञ्जालको प्रयोग गर्ने कार्यमा संलग्न हुँदा विद्यालयमा विद्यार्थीलाई मोबाइल फोन प्रयोगमा प्रोत्साहन मिलेको अभिभावकहरु बताउँछन्  । प्रविधीमैत्री शिक्षाको नामममा विद्यालयमा मोबाइलको प्रयोग बढ्दा त्यसको प्रभाव विद्यार्थीको पढाइमा पर्दै गएको उनीहरूको गुनासो छ ।  पढ्ने समय मोवाइलमा खेर जाँदा विद्यार्थीहरूको बानीमा नकारात्मक असर परिरहेकाले अभिभावकहरूले पनि मोबाइलबाट विद्यार्थीहरूलाई टाढा राख्न जरुरी रहेको शिक्षकहरूको भनाई छ ।  a