भदौ १४, सोलुखुम्बु । नेपाल शिक्षक महासंघ जिल्ला कार्यसमिति सोलुखुम्बुले भदौ १५ गते (आईतबार) सल्लेरीस्थित शिक्षा विकास तथा समन्वय इकाईमा ध्यानाकर्षण पत्र बुझाउने तथा धर्ना कार्यक्रम गर्ने भएको छ । महासंघले यसअघि भदौ १३ गते जिल्लाका ८ वटै स्थानीय तहहरूमा धर्ना कार्यक्रम सम्पन्न गरिसकेको छ ।
सोही कार्यक्रम अनुसार, शिक्षा विकास तथा समन्वय इकाईमा ध्यानाकर्षण कार्यक्रमको आयोजना गरिने भएको हो । जिल्ला कार्यसमितिका अध्यक्ष जनक कुमार थापाले सरोकारवाला संघ–संस्था, शिक्षकहरू तथा शिक्षासँग सम्बन्धित पक्षहरूलाई कार्यक्रममा उल्लेखनीय उपस्थिति जनाउन आग्रह गर्नुभएको छ । धर्ना कार्यक्रम विहान ११ बजेबाट सुरु भई दिउँसो १ बजेसम्म सञ्चालन हुनेछ ।
महासंघले लामो समयदेखि शिक्षा ऐन यथाशीघ्र जारी गर्न, विगतमा सरकारसँग भएका सम्झौताहरू तत्काल कार्यान्वयन गर्न तथा शिक्षकहरूको सामाजिक सुरक्षा र पेशागत अधिकार सुनिश्चित गर्न सरकारलाई निरन्तर ध्यानाकर्षण गराउँदै आएको छ । यस पटकको धर्ना र ध्यानाकर्षण कार्यक्रम पनि सोही अभियानको निरन्तरता रहेको महासंघले जनाएको छ ।
Discussion about this post