मैदेलका बाढीपिडीत कार्की परिवारलाई रेडक्रस उपशाखा नेलेको राहत

भदौ १४, सोलुखुम्बु । सोलुखुम्बुको थुलुङ दुधकोशी गाउँपालिकाका बाढी पिडितलाई रेडक्रसले राहत दिएको छ । गाउँपालिकाको वडा नम्बर ६ का बाढीपिडित राम बहादुर कार्कीलाई नेपाल रेडक्र सोसाइटी उपशाखा नेलेले राहत दिएको हो । गत साउन २८ गते आएको वर्षात पछिको बाढी, पहिरोले कार्कीको घरमा क्षती गरेपछि अलपत्र परेका कार्की परिवारलाई राहत स्वरुप केही लत्ताकपाडा र अन्य सामाग्री हस्तान्तरण गरिएको जनाइएको छ । कार्की परिवारलाई पाल, कम्वल, भाँडाकुडा, सारी लगायतका सामाग्री एक÷एक सेट वितरण गरिएको हो । उपशाखाले यस अघि पनि नेले लगायत अन्य वडाका बाढी पिडित तथा विपद प्रभावित परिवारहरुलाई राहत वितरण गर्दै आएको जनाइएको छ ।