भदौ १९, सोलुखुम्बु । सोलुखुम्बुको सोलुदुधकुण्ड नगरपालिका–५ स्थित जनजागृति माध्यमिक विद्यालयमा कार्यरत एक कर्मचारीले आत्महत्या गरेका छन् । महाकुलुङ गाउँपालिका–५ घर भई हाल सल्लेरीमा परिवारसहित बसोबास गर्दै आएका ३६ वर्षीय रामकुमार राईले गएराति आत्महत्या गरेका हुन् ।
जिल्ला प्रहरी कार्यालय सोलुखुम्बुका प्रहरी निरीक्षक तथा सूचना अधिकारी विकास राईका अनुसार उनी विगत दुई वर्षदेखि दमबाट पीडित थिए । रोगको पीडाले मानसिक र शारीरिक रुपमा अत्यन्तै पीडित राईले आत्महत्या गर्नु अघि “दमकै कारण आत्महत्या गर्न बाध्य भएको” भन्ने अभिव्यक्ति समेटिएको पत्रसमेत लेखेका थिए ।
राई जनजागृति माध्यमिक विद्यालयमा विगत केही वर्षदेखि अस्थाई रुपमा कार्यरत थिए । उनको अचानक निधनले विद्यालय समुदाय, परिवार तथा स्थानिय क्षेत्रमा शोकको वातावरण छाएको छ ।
Discussion about this post