वोङछु शेर्पा मेमोरियल अस्पताल सेवा प्रवाहमा उत्कृष्ट, नगरपालिकाले गर्यो पुरस्कृत 

असोज २, विहीबार । सोलुखुम्बुको सोलुदुधकुण्ड नगरपालिका वडा नम्बर १० टाप्टीङमा रहेको ओङ्छु शेर्पा मेमोरीयल अस्पताल नगरपालिकामै उत्कृष्ट अस्पताल बनेको छ ।  नगरपालिकाले तय गरेका विभिन्न न्यनतम सेवा मापदण्डका आधारमा गत आर्थिाक वर्ष २०८१÷८२ मा अस्पताल नगरपालिकामै उत्कृष्ट बनेको हो ।  नगरपालिकाले आज आयोजना गरेको वार्षिक समीक्षा कार्यक्रममा अस्पताललाई उत्कृष्ट घोषणा गर्दै पुरस्कृत गरेको छ ।  अस्तालमा कार्यरत मेडिकल अधिकृत डाक्टर ग्याल्सेन गुरुङलाई अस्पताललाई स्वास्थ्य सेवामा उत्कृष्ट बनाउने गरि काम गरिएको भन्दै सम्मानित समेत गरिएको छ  ।  

नगरपालिकाका मेयर नाम्गेल जाङबु शेर्पाले उत्कृष्ठ अस्पताल वोङछु शेर्पा मेमोरीयललाई सम्मान पत्र सहित सम्मानित गर्नुभएको छ ।  यस्तै नगरपालिकाले विहीबार आयोजना गरेको गत आर्थिक वर्षको स्वास्थ्य कार्यक्रमहरूको समीक्षाका आधारमा वडा नम्बर ७ गार्मा प्रथम बनेको छ ।  न्यूनतम सेवा मापदण्डका आधारमा गरिएको मूल्याङ्कनमा नगरपालिकाको वडा नम्बर ७ गार्मा स्वास्थ्य चौकीले ४५ दशमलव ३ अङ्क प्राप्त गरेको छ ।

 यस्तै टाक्सीन्धु स्वास्थ्य चौकी ४४ अङ्क सहित द्वितीय बनेको छ भने बेनी स्वास्थ्य चौकी ३८ दशमलव ५ अङ्क सहित तृतीय बनेको छ ।  नगरपालिकाले जारी गरेका विभिन्न कार्यक्रमहरूको कार्यान्वयन सँगै न्युनतम सेवा मापदण्ड पुरा गरेका वडाहरूलाई नगरपालिकाले समीक्षाका क्रममा सम्मानित गरेको नगर जनस्वास्थ्य निरीक्षक सुवास तामाङले बताउनुभयो ।