कोशी सहित अन्य २ प्रदेशमा पानी पर्ने

साेलुखुम्बु ।  हाल देशभर मनसुनी वायूको प्रभाव कमजोर रही स्थानीय वायुको आंशिक प्रभाव रहेको छ । आज दिउँसो मौसम पूर्वानुमान महाशाखाका अनुसार देशको पहाडी भू–भागमा साधारणतया बदली रही बाँकी भू–भागमा आंशिक बदली रहने छ । कोशी, बागमती र गण्डकी प्रदेशका पहाडी भू–भागका केही स्थानहरूमा तथा बाँकी भू–भागका थोरै स्थानहरूमा मध्यम वर्षाको सम्भावना रहेको महाशाखाले जनाएको छ । आज राति कोशी प्रदेशलगायत बाँकी प्रदेशका पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहने र कोशी प्रदेशलगायत बाँकी प्रदेशका पहाडी भू–भागका थोरै स्थानहरूमा मध्यम वर्षाको सम्भावना रहेको महाशाखाले उल्लेख गरेको छ । यता शुक्रबार साँझदेखि काठमाडौँ उपत्यकामा परेको सिमसिम वर्षा रातिसम्मै रहेको थियो । आज बिहानदेखि भने आकाश खुला हुँदा चर्को घाम देखिएको छ ।