आजदेखि मनसुनी प्रणाली थप सकृय, कोशीका हिमाली तथा पहाडी जिल्लाका नदिमा बहाव बढ्ने 

असोज १७, सोलुखुम्बु । आजदेखि सोमवारसम्म मनसुन प्रणाली थप सक्रिय हुने भएको छ । मौसम पूर्वानुमान महाशाखाले आजदेखि मनसुन थप सक्रिय भएर कोशी प्रदेशका विभिन्न जिल्लामा पानी पर्दा ति जिल्ला भएर बहने नदिहरूमा पानीको वहाव सामान्य देखी उल्लेख्य बढ्ने छ ।  मौसम पुर्वानुमान महाशाखाका अनुसार कोशी प्रदेशका खोटाङ, ओखलढुङ्गा, सोलुखुम्बु, इलाम, सङ्खुवासभा, ताप्लेजुङ, झापा लगायतका जिल्लाका तटीय क्षेत्रमा बहाव बढ्ने देखिएको छ ।  

१७, १८ र १९ गते ३ दिन का लागी जारी बुलेटिन अनुसार उल्लेखित जिल्लाहरूमा १७ राती सम्म बहाव सामान्य नै रहेपनि १८ र १९ गते बहाव उल्लेख्य बढ्ने जनाइएको छ ।  महाशाखाले हिजो सम्म सतर्कता तह भन्दा मुनी रहेका नदिहरू सप्तकोसी, तमोर, अरुण, दुधकोशी, तामाकोशी सुनकोशीमा पानीको बहाव १७ गतेबाट बढ्ने अनुमान गरेको छ ।  सोही अनुरूप तटीय क्षेत्रमा रहेका बासिन्दाहरुलाई सतर्क रहन समेत अनुरोध गरेको छ ।  

यि बाहेक कोशी प्रदेशका विभिन्न जिल्लाका ससाना नदिहरुमा समेत पानीको बहाव बढ्ने देखिएको महाशाखाको बुलेटिनमा उल्लेख छ ।  यस बाहेक मधेश, बागमती, गण्डकी र लुम्बिनी प्रदेशका धेरै ठाउँमा वर्षाको सम्भावना रहेको जनाएको छ । वर्षासँगै देशका विभिन्न ठाउँमा बाढीको जोखिम समेत बढेको छ ।