सिद्धिचरण राजमार्गको कटारी–घुर्मी सडकखण्डमा यातायात सेवा पुनः सञ्चालन

असोज २१, सोलखुम्बु । अविरल वर्षाका कारण खसेको पहिरो पन्छाएपछि सिद्धिचरण राजमार्गको कटारी–घुर्मी सडकखण्डमा यातायात सेवा सञ्चालनमा आएको छ । गत शुक्रबार साँझ पहिरो खसेपछि सो सडकमा यातायात सञ्चालनमा रोक लगाइएको थियो । इलाका प्रहरी कार्यालय कटारीका अनुसार सडक विभाग, प्रहरी र स्थानीयवासीको सक्रियतामा पहिरो पन्छाइएको थियो ।

सोमबारदेखि सिरहाको मिर्चैया हुँदै कटारी घुर्मी भएर ओखलढुङ्गा खोटाङ यातायात आवतजावत सञ्चालन भएकोे इलाका प्रहरी कार्यालय कटारीका प्रमुख कमल बजगाईंले जानकारी दिनुभयो । उहाँले रात्रिकालीन समयमा भने सो मार्गमा सवारी सञ्चालन गर्न रोक लगाएको उहाँले जानकारी दिनुभयो ।