असोज २२, सोलुखुम्बु । सोलुखुम्बुको सोलुदुधकुण्ड नगरपालिकाले आफ्नो क्षेत्रभित्र सञ्चालनमा रहेका स्वास्थ्य क्लिनीकहरू चाँडै दर्ता गर्ने तयारी गरेको छ । नगरपालिकाका जनस्वास्थ्य निरीक्षक चमर बहादुर मगरका अनुसार कार्यविधि अनुसार नगरपालिकाभित्र सञ्चालित तीनवटा स्वास्थ्य क्लिनीकहरूको दर्ता प्रक्रिया कार्यपालिका बैठकबाट छिट्टै टुंगो लगाइनेछ ।
दुई वर्षअघि नै क्लिनीकहरू दर्ता गर्ने योजना बनाइए पनि विभिन्न कारणले कार्यान्वयनमा ढिलाइ भएको मगरको भनाई रहेको छ । नगरपालिकाले स्वास्थ्य सेवा नियमित, गुणस्तरीय र सर्वसुलभ बनाउन क्लिनिक दर्ता अनिवार्य गर्ने नीतिअनुसार यो प्रक्रिया अघि बढाउन लागेको जनाइएको छ ।
स्थानिय तहमा क्लिनिकहरूको निगरानी, सेवा गुणस्तरको मूल्याङ्कन तथा आवश्यकता अनुसार सेवा सुधारका लागि दर्ता प्रक्रिया महत्त्वपूर्ण हुने नगरपालिकाले जनाएको छ ।
Discussion about this post