धमाधम मर्मत गरिँदै भत्किएका पदमार्ग, जोरसल्ले, ल्हार्चा, दोभान, नाम्चे पदमार्ग सञ्चालनमा 

असोज २६, सोलुखुम्बु । गत हप्ताको वर्षातका कारण बिग्रीएको सगरमाथा आधार शिविर जाने दमार्ग सञ्चालनमा आएको छ ।  ३ दिनको वर्षातका कारण पहिरो खसेर अवरुद्ध बनेका पदमार्गहरू निर्माण गर्ने क्रममा जोरसल्ले, लार्चा दोभान, नाम्चे पदमार्ग खण्ड मर्मत पछि सञ्चालनमा आएको हो  । असोज १७ देखी १९ सम्म ३ दिनको वर्षात पछि गएको पहिरोले विगारेको आधार शिविर जाने पदमार्ग मर्मत गरि सञ्चालनमा ल्याइएको गाउँपालिकाले जनाएको छ ।  पर्यटकीय सिजनको समयमा परेको पानीले पदमार्ग बिगारेपछि बैकल्पीक बाटो प्रयोग गर्दै पर्यटकहरू आधार शिविर पुग्ने गरेका थिए  । अव भने नियमित मार्गबाटै पर्यटकहरू आफ्नो गन्तव्य पुग्न सक्ने गाउँपालिकाले जनाएको छ ।  वर्षातका कारण खुम्बु क्षेत्रमा ६ वटा पदमार्ग पहिरोमा परि भत्किएका थिए । ति मध्ये केही पदमार्ग मर्मत गरि सञ्चालनमा ल्याइएको छ भने अन्य पदमार्गहरू समेत मर्मत भइरहेको गाउँपालिकाको वडा नम्बर ४ का अध्यक्ष लक्ष्मण अधिकारीले बताउनुभयो ।