ओखलढुङ्गामा खाना अड्किएर एक वृद्धको मृत्यु

असोज २६, सोलुखुम्बु । ओखलढुङ्गाको चम्पादेवी गाउँपालिका–३ चित्रेमा खाना अड्किएर एक वृद्धको ज्यान गएको छ । ज्यान जानेमा ७१ वर्षीय मिनबहादुर खड्का रहेको जिल्ला प्रहरी कार्यालय ओखलढुङ्गाले जनाएको छ । खड्का खाना खाँदै गर्दा अचानक घाँटीमा अड्किएर बेहोस भएका थिए ।

उपचारका लागि पहल गरिए पनि घटनास्थलमै उनको मृत्यु भएको प्रारम्भिक विवरणमा उल्लेख छ । जिल्ला प्रहरी कार्यालय ओखलढुङ्गाका प्रहरी निरीक्षक एवंम सूचना अधिकारी विजय कार्कीका अनुसार घटना बारे जानकारी प्राप्त भएलगत्तै इलाका प्रहरी कार्यालय बरुणेश्वर रामपुरबाट प्रहरी टोली खटिएको छ । घटनाको थप अनुसन्धान भइरहेको जनाइएको छ । प्रहरीले घटनाको विस्तृत विवरण संकलन गरिरहेको र आवश्यक कानुनी प्रक्रिया अघि बढाइने जनाएको छ ।