राईज वीक इभेन्ट २०२५ मा सहभागी हुन अध्यक्ष राई चीन प्रस्थान

असोज ३१, सोलुखुम्बु । सोलुखुम्बुकाे थुलुङ दुधकोशी गाउँपालिकाका अध्यक्ष असिम राई छिमेकी मुलुक चिनको भ्रमणका लागी जानुभएको छ । बिश्वका विभिन्न १५ देशका विशिष्ट प्रतिनिधिहरुको उपस्थितिमा सञ्चालन हुने राईज वीक इभेन्ट २०२५ मा नेपालबाट प्रतिनिधित्व गर्दै अध्यक्ष राई चीन प्रस्थान गरेको गाउँपालिका प्रबक्ता भोजराज कार्कीले जानकारी दिनुभयाे । टोङजी विश्वविद्यालय साङ्घाइ र युएनडिपी चाईनाले संयुक्त रुपमा आयोजना गर्ने सो इभेन्टमा जलवायु संकटका कारण शहरहरूमा बढ्दो विपद्को जोखिम न्युनीकरणका बिषयमा छलफल हुने बताइएको छ । अध्यक्ष राईले नेपालमा बढ्दो जलवायु संकटको विषयमा र यसबाट भएका क्षती र विपदको न्युनिकरणका विषयमा कुरा राख्ने बताउनुभएको छ । हिमाली क्षेत्रहरुमा जलवायु परिवर्तनको प्रभाव र न्युनिकरणका लागी पहल पनि गरिने पनी उहाँको भनाई छ । अध्यक्ष राई शुक्रबार राती त्रिभुवन अन्तराष्ट्रिय विमानस्थलबाट चिन प्रस्थान गर्नुभएको हो । अध्यक्ष राईले आफ्नो अनुपस्थितिमा जिम्मेवारी सम्हाल्ने गरी कार्यबाहकको जिम्मेवारी उपाध्यक्ष सविता राईलाई तोकेको प्रबक्ता कार्कीले जानकारी दिए ।