घरबाट हिँडेको ५ दिन पछि मृत फेला परे प्रेम दोर्जे

असोज ३१, सोलुखुम्बु । खोटाङमा एक पुरुष मृत अवस्थामा फेला परेका छन् । जिल्लाको बहराहपोखरी गाउँपालिका वडा नम्बर ३ सिन्ताङका प्रेम दोर्जे लामा शनिबार दिउँसो घर नजिकैको खोलामा मृत अस्थामा भेटीएका हुन् । गत असोज २६ गते घरबाट कसैलाई केही नभनी एक्कासी हिँडेका तामाङ शनिबार दिउँसो घर नजिकैको राप्चा खोलामा मृत अवस्थामा भेटीएको जिल्ला प्रहरी कार्यालय खोटाङले जनाएको छ । घरबाट अन्दाजी २ किलोमिटर टाढा रहेको ऊक्त खोलामा मृत भेटीएको भनि उनका छोरा मान कुमार तामाङले जानकारी गराएपछि इलाका प्रहरी कार्यालय चिसापानीबाट प्रहरी टोली खटि गएको जिल्ला प्रहरी कार्यालय खोटाङका सूचना अधिकारुी राजु विष्टले जानकारी दिनुभयो । उहाँका अनुसार थप अनुसन्धानका लागी इलाका प्रहरी कार्यालय खोटाङबजारबाट र प्रहरी चौकी बराहपोखरीबाट प्रहरी खयिइगएको उहाँको भनाई छ ।