पाथिभरा साउथ ईस्ट हिमालको पहिलो सफल आरोहण

असोज ३१, सोलुखुम्बु । नेपालको पूर्वी हिमाली भूभागमा अवस्थित पाथिभरा साउथ ईस्ट हिमाल ९६,८६८ मिटर० को पहिलो सफल र आधिकारिक आरोहण सम्पन्न भएको छ। कञ्चनजङ्घा क्षेत्रअन्तर्गत पर्ने यो हिमाल सन् २०२५ मा पहिलोपटक पर्वतारोहणका लागि खुल्ला गरिएको थियो। चिलीका पर्वतारोही हर्नान डेविड लियाल ब्यारिन्टोसको नेतृत्वमा रहेको पाँच सदस्यीय टोलीले यही अक्टोबर १४ तारिख, नेपाली समयअनुसार दिउँसो १ः५० बजे दक्षिण–पूर्वी मार्ग हुँदै शिखरमा सफल आरोहण गरेका हुन्।

यो सफल आरोहणको जानकारी अनुभवी पर्वतारोहण गाइड कुङ्गा शेर्पाले दिनुभएको हो। उक्त ऐतिहासिक अभियानमा नेपाली सहयोगी शेर्पाहरूको समेत महत्वपूर्ण भूमिका रहेको थियो। आरोहण टोलीमा रहेका शेर्पा सदस्यहरूमा पाङबोचेका लाक्पा छिरी शेर्पा, लाक्पा छिरिङ शेर्पा, कुङ्गा ग्याजु शेर्पा, सिन्धुपाल्चोकका पेमा तासी तामाङ,र  अन्य सहयोगी सहभागी थिए। टोलीले अत्यन्त कठिन भौगोलिक र मौसमीय अवस्थालाई पार गर्दै, ढुंगा, हिउँ र बरफले ढाकिएको मार्ग हुँदै शिखरसम्मको यात्रा सफलतापूर्वक सम्पन्न गरेको हो।

यो अभियान एक्स्ट्रीम क्लाइम्बर्स ट्रेक्स एण्ड एक्स्पेडिसन प्रा। लि। को आयोजना तथा व्यवस्थापनमा सम्पन्न भएको हो। आरोहणको सफलता नेपाली पर्वतारोहण क्षेत्रको अन्तर्राष्ट्रिय पहिचान र प्रतिष्ठा बढाउनेतर्फ एक महत्वपूर्ण पाइला मानिएको छ। यस सफल आरोहणसँगै पाथिभरा साउथ ईस्ट हिमाललाई भावी दिनमा नयाँ पर्वतारोहण गन्तव्यका रूपमा विकास गर्ने आशा गरिएको छ, जसले यस क्षेत्रको पर्यटन तथा स्थानीय अर्थतन्त्रमा समेत सकारात्मक प्रभाव पार्ने अपेक्षा गरिएको छ।