खुट्टामा संक्रमण भएर थलिएका खड्काको उपचारका लागी उठ्यो करिव २ लाख सहयोग

कार्तिक २, सोलुखुम्बु । खोटाङको जन्तेढुंगा गाउँपालिकाका वडा नम्बर ४ डम्बर्खुसिवालयका तिलक खड्काको उपचारका लागी १ लाख ९४ हजार रुपैयाँ आर्थिक सहयोग जुटेको छ । खुट्टामा संक्रमण भएर २५ वर्ष देखी थला परेका खड्काको उपचारका लागी समाजसेवी तथा नेपाली काङ्ग्रेस जन्तेढुंगा गाउँपालिकाका सभापति बाजिन्द्र विष्टको अगुवाईमा १ लाख ९४ हजार रुपैयाँ आर्थिक सहयोग जुटेको हो ।

देश तथा विदेशमा रहेका नेपालीहरुबाट उठेको उक्त रकमबाट खड्काको खुट्टाको शल्यकृया गरिसकिएको र हाल स्वास्थ्यमा सुधार भइरहेको सभापति विष्टले जानकारी दिनुभयो । लामो सायदेखी संक्रमणसँग जुधिरहेका खड्काको खुट्टाको संक्रमण सरिरका अन्य अंगहरुमा समेत फैलीन थालेपछि उपचारका लागी सहयाग उठाइउको थियो । यसअघि पनि खड्काले विभिन्न अस्पतालमा धाएर उपाचर गराउने कोशीस गरेको भएपनि कमजोर आर्थिक अवस्थाका कारण उपचारमा समस्या आएको थियो ।

सहयोग मार्फत उठेको मध्ये ८४ हजारले अस्पतालको उपचार खर्च तिरिएको र अन्य बाक्ी १ लाख १० हजार रुपौयाँ रकम फलोअपका लागी अस्पताल जाने खर्च स्वरुप पिडितलाई उपलब्ध गराइएको विष्टले बताउनुभयो । उहाँले आर्थिक अभावका कारण उपचार नपाएर थलिएका खड्काको उपचारका लागी सहयोग गर्ने ६१ जनालाई धन्यवाद व्यक्त गर्नुभएको छ ।